bas.edu.mk | Business Academy Smilevski

ПРОГРАМА ЗА ТЕРЕНСКА СТУДЕНТСКА ПРАКТИКА

Цели на теренската студентска практика:
- Запознавање на позицијата и функцијата на своето идно работно место во деловниот систем на организацијата;
- Запознавање на кариерните можности на својата идна професија;
- Стекнување сознанија од практиката потребни за сфаќање на теоретската настава во текот на студиите;
- Поединечно и синтетичко практикување на стекнатите знаења, ставови и вештини во текот на студиите и
- Стекнување компетенции за самостојно вршење на суштинките работни обврски од профилот кој го студираат

Содржина на теренската студентска практика:
Прв циклус: Ситуирање – студентска практика (СП) – партнерска организација (ПО) – пазар, односно клиенти
Овој циклус се остварува во текот на првиот семестар на студии и рамковно опфаќа:

Запознавање на студентите со:
- основната дејност на ПО;
- главните клиенти и крајните корисници на производите и услугите на ПО;
- главните снабдувачи;
- историјата и организациската структура на ПО и нејзините компански политики и регулатива

Втор циклус: Ориентација во идната професија
Овој циклус се остварува во текот на вториот семестар на студии и рамковно опфаќа:

Запознавање на студентите со:
- деловните процеси на ПО и улогата на профилите на БАС во тие процеси;
- овластувањата и одговорностите на извршителите со профил на БАС;
- организациското комуницирање во ПО

Извршување од страна на студентите на:
- помошни работни активности на извршителите со профил на БАС и на нивните подредени

Трет циклус: Учество во професионалната работа
Овој циклус се оставрува во текот на третиот и четвртиот семестар и рамковно опфаќа:
- самостојно извршување помошни работи на работното место
- заедничко извршување на работни задачи со извршителот на работното место (менторот)
- извршување професионални задачи на работното место под надзор на менторот
- запознавање со работата на интерните добавувачи и интерните клиенти на работното место во организацијата

Четврт циклус: Изведување на професионални работни активности
Овој циклус се остварува во текот на едномесечната практика по четвртиот и во текот на петтиот и шестиот семестар и рамковно опфаќа:
- заедничко извршување на работни задачи со извршителот на работното место (менторот)
- извршување професионални задачи на рбаотното место под надзор на менторот
- заменување на извршителот во вршењето на професионални задачи за кои се оспособил и добил овластување (делегирани работни задачи).

Организација на теренската студентска практика

Првиот и вториот циклус од теренската студентска практика се остварува преку најмалку две еднодневни посети на мали и средни трговски друштва и други организации.
Во текот на наредните семестри секој студент минува еден ден во седмицата на теренска практика во соодветна (по правило во една партнерска) организација, а во следните, втора и трета студиска година, по еден месец.
За посетите и работата во организациите студентите водат работен и рефлективен дневник кој е составен дел на нивното студентско досие.